Support 
Эд хөрөнгийн эрхийн улсын бүртгэгч нарт зориулсан цахим сургалтыг өнөөдөр /2020.03.23/ 21 аймаг, 9 дүүргийн улсын бүртгэгч нартай холбогдож зохион байгууллаа.
Сургалтаар эд хөрөнгийн эрхийн улсын бүртгэл хөтлөхөд гарч буй нийтлэг алдаа, цахим системийн боловсруулалтад анхаарах асуудлуудын талаар зөвлөмж чиглэл өгч, мөн эд хөрөнгийн улсын бүртгэлтэй холбоотой гарсан зөрчлөөс хэрхэн урьдчилан сэргийлэх талаар УБЕГ-ын Эд хөрөнгийн эрхийн улсын бүртгэлийн газрын дарга Б.Ариунболд мэдээлэл хүргэв.
Сургалтад аймаг, нийслэл, дүүрэг дэх Улсын бүртгэлийн газар, хэлтсийн эд хөрөнгийн эрхийн улсын ахлах бүртгэгч, улсын бүртгэгч нар хамрагдсан бөгөөд оролцогчид тодруулах зүйлээ асууж, харилцан санал солилцлоо гэж УБЕГ-ын хамтын ажиллагаа, сургалтын хэлтсээс мэдээлэв.
